ਸ਼ਾਹਿਦਾ ਦਿਲਾਵਰ ਸ਼ਾਹ

ਮਈ ਦਾ ਮਹੀਨਾ ਸ਼ੁਰੂ ਹੁੰਦਿਆਂ ਹੀ ਨਿਗਾਹਾਂ ਵਿੱਚ ਅਮਰੀਕਾ ਦੀ ਮਜ਼ਦੂਰਾਂ ਦੀ ਲਹਿਰ ਸਾਹਮਣੇ ਆ ਜਾਂਦੀ ਏ ਜਿਨ੍ਹਾਂ ਆਪਣੀ ਰੱਤ ਦੇ ਕੇ ਮਜ਼ਦੂਰਾਂ ਨੂੰ ਉਨ੍ਹਾਂ ਦੇ ਜਾਇਜ਼ ਹੱਕ ਦਿੱਤੇ ਜਾਣ ਦਾ ਲੋਹਾ ਮਨਵਾਇਆ। ਮਈ ਜਿਹੇ ਗਰਮ ਮਹੀਨੇ ਵਿੱਚ ਸ਼ੁਰੂ ਹੋਈ ਇਹ ਲਹਿਰ ਅੱਜ ਪੂਰੀ ਦੁਨੀਆ ਵਿੱਚ ਖਿੱਲਰ ਚੁੱਕੀ ਏ ਤੇ ਮਈ ਦਾ ਪਹਿਲਾ ਦਿਹਾੜਾ ਸ਼ਿਕਾਗੋ ਦੇ ਸ਼ਹੀਦਾਂ ਦੀ ਯਾਦ ਵਿੱਚ ਮਨਾਇਆ ਜਾਂਦਾ ਏ ਤੇ ਪੂਰੀ ਦੁਨੀਆ ਦੇ ਮਜ਼ਦੂਰ ਇਕੱਠੇ ਹੋ ਕੇ ਉਨ੍ਹਾਂ ਨੂੰ ਆਪਣਾ ਸਲਾਮ ਪੇਸ਼ ਕਰਦੇ ਹਨ। ਏਸੇ ਮਈ ਦੀ ਇੱਕੀ ਤਾਰੀਖ਼ ਸਖ਼ੀ ਲਾਲ ਸ਼ਹਿਬਾਜ਼ ਕਲੰਦਰ ਅਤੇ ਸ਼ਾਹ ਲਤੀਫ਼ ਭਿਟਾਈ ਦੀ ਭੋਇੰ ਸਿੰਧ 'ਤੋਂ ਇੱਕ ਅਜਿਹਾ ਬੰਦਾ ਹਮੇਸ਼ਾਂ-ਹਮੇਸ਼ਾਂ ਲਈ ਕੂਚ ਕਰ ਗਿਆ ਜਿਹੜਾ ਨਿਮਾਣਿਆਂ ਮਹਾਤੜਾਂ ਦੇ ਦਿਲ ਦੀ 'ਵਾਜ ਈ ਨਹੀਂ ਸੀ ਸਗੋਂ ਅੱਜ ਤੋਂ ਬਾਹਠ ਵਰ੍ਹੇ ਪਹਿਲਾਂ ਮਜ਼ਦੂਰਾਂ ਤੇ ਹਾਰੀਆਂ ਦੇ ਹੱਕ ਦੀ