ਹਰੀਆਂ ਮਿਰਚਾਂ ਦਾ ਮਿੱਠਾ ਅਚਾਰ ਸੁਣ ਕੇ ਕਈਆਂ ਨੂੰ ਹੈਰਾਨੀ ਹੋ ਸਕਦੀ ਹੈ ਪਰ ਇਹ ਬਹੁਤ ਸਵਾਦਲਾ ਬਣਦਾ ਹੈ।
ਸਮੱਗਰੀ: ਇੱਕ ਕਿਲੋ ਹਰੀਆਂ ਮਿਰਚਾਂ ਲਉ। ਇਨ੍ਹਾਂ ਨੂੰ ਚੀਰਾ ਦੇ ਕੇ ਲੰਮੀਆਂ ਕੱਟਿਆ ਜਾਵੇ। ਇਸ ਤੋਂ ਇਲਾਵਾ ਲਸਣ ਦੋ ਸੌ ਗ੍ਰਾਮ,ਅਦਰਕ ਢਾਈ ਸੌ ਗ੍ਰਾਮ,ਜ਼ੀਰਾ ਸੌ ਗ੍ਰਾਮ, ਰਾਈ ਸੌ ਗ੍ਰਾਮ, ਚੀਨੀ ਦੋ ਸੌ ਗ੍ਰਾਮ,ਸਰੋਂ ਦਾ ਤੇਲ ਚਾਰ ਸੌ ਗ੍ਰਾਮ ਅਤੇ ਇਮਲੀ ਢਾਈ ਸੌ ਗ੍ਰਾਮ ਲਈ ਜਾਵੇ। ਨਮਕ ਦੀ ਵਰਤੋਂ ਲੋੜ ਅਨੁਸਾਰ ਕੀਤੀ ਜਾਵੇ। ਇਮਲੀ ਨੂੰ ਪਹਿਲਾਂ ਸਿਰਕੇ ਵਿੱਚ ਪਾ ਕੇ ਭਿਉਂ ਲਿਆ ਜਾਵੇ ਤੇ ਇਮਲੀ ਦਾ ਗੁੱਦਾ ਕੱਢ ਕੇ ਰੱਖਿਆ ਜਾਵੇ।
ਵਿਧੀ: ਅਦਰਕ ਅਤੇ ਲਸਣ ਨੂੰ ਪੀਸ ਲਿਆ ਜਾਵੇ। ਜੀਰਾ ਅਤੇ ਰਾਈ ਅਲੱਗ ਪੀਸ ਕੇ ਰੱਖੇ ਜਾਣ। ਤੇਲ ਨੂੰ ਕੜਾਹੀ ਵਿੱਚ ਪਾ ਕੇ ਗਰਮ ਕਰੋ। ਇਸ ਵਿੱਚ ਪੀਸਿਆ ਲਸਣ ਅਤੇ ਅਦਰਕ ਭੁੰਨਆ ਜਾਵੇ। ਫਿਰ ਕੱਟੀਆਂ ਮਿਰਚਾਂ ਕੜਾਹੀ ਵਿੱਚ ਪਾਈਆਂ ਜਾਣ। ਇਸ ਵਿੱਚ ਨਮਕ ਅਤੇ ਚੀਨੀ ਪਾਈ ਜਾਵੇ। ਇਮਲੀ ਦਾ ਗੁੱਦਾ ਕੜਾਹੀ ਵਿੱਚ ਪਾਇਆ ਜਾਵੇ। ਥੋੜ੍ਹੀ ਦੇਰ ਪਕਾ ਕੇ ਕੜਾਹੀ ਗੈਸ ਤੋਂ ਲਾਹ ਲਈ ਜਾਵੇ। ਇਸ ਵਿੱਚ ਪੀਸੀ ਰਾਈ ਅਤੇ ਜੀਰਾ ਮਿਲਾਇਆ ਜਾਵੇ। ਇਸ ਨਾਲ ਮਿਰਚ ਦਾ ਮਿੱਠਾ ਅਚਾਰ ਤਿਆਰ ਹੈ।
