ਖੇਡ ਸਮਾਚਾਰ

ਖੇਡਾਂ ਲਈ ਖਿਡਾਰੀਆਂ ਦਾ ਹੀ ਨਹੀਂ ਸਗੋਂ ਖੇਡ ਪ੍ਰੇਮੀਆਂ, ਖੇਡ ਦਰਸ਼ਕਾਂ ਦਾ ਪ੍ਰੇਮ ਵੀ ਨਿਹਾਇਤ ਜ਼ਰੂਰੀ ਹੈ। ਖਿਡਾਰੀਆਂ ਦੀ ਇਹ ਆਪਣੀ ਖੇਡ ਪ੍ਰਤੀ ਲਗਨ, ਮੁਹੱਬਤ ਹੀ ਹੈ, ਜੋ ਉਨ੍ਹਾਂ ਨੂੰ ਖੇਡ ਖੇਤਰ 'ਚ ਬੁਲੰਦੀਆਂ 'ਤੇ ਪਹੁੰਚਣ ਲਈ ਉਤਸ਼ਾਹਤ ਕਰਦੀ ਹੈ। ਮਨੋਵਿਗਿਆਨਕ ਤੌਰ 'ਤੇ ਵੇਖਿਆ ਜਾਵੇ ਤਾਂ ਖੇਡ ਖੇਤਰ 'ਚ ਖਿਡਾਰੀਆਂ ਨੂੰ ਉਤਸ਼ਾਹਤ ਤੇ ਪ੍ਰੇਰਿਤ ਕਰਨ ਲਈ ਖੇਡ ਪ੍ਰੇਮੀ ਦਰਸ਼ਕ ਵੀ ਬਹੁਤ ਅਹਿਮ ਭੂਮਿਕਾ ਨਿਭਾਉਂਦੇ ਹਨ। ਅਸੀਂ ਸਮਝਦੇ ਹਾਂ ਕਿ ਖਿਡਾਰੀਆਂ ਤੇ ਖਿਡਾਰਨਾਂ ਦੇ ਨਾਲ  ਉਨ੍ਹਾਂ ਦੀ ਹੌਸਲਾ ਅਫਜ਼ਾਈ ਤੇ  ਉਨ੍ਹਾਂ ਦਾ ਸਤਿਕਾਰ ਵੀ ਜ਼ਰੂਰੀ ਹੈ। ਇਸੇ ਲਈ ਤਾਜ਼ਾ ਮਿਸਾਲ ਤੁਹਾਡੇ ਸਾਹਮਣੇ ਹੈ। ਸੁਰਜੀਤ ਹਾਕੀ ਟੂਰਨਾਮੈਂਟ 'ਚ  ਦਰਸ਼ਕਾਂ ਅਤੇ ਹਾਕੀ ਪ੍ਰੇਮੀਆਂ ਲਈ ਸ਼ਾਨਦਾਰ ਇਨਾਮ ਰੱਖੇ ਸਨ। ਸਾਨੂੰ ਬਹੁਤ   ਚੰਗਾ ਲੱਗੇ  ਜੇ ਸਾਰੇ ਖੇਡ ਟੂਰਨਾਮੈਂਟ ਖੇਡ ਦਰਸ਼ਕਾਂ ਨੂੰ ਉਨ੍ਹਾਂ ਦੀ ਅਹਿਮੀਅਤ ਦਾ ਅਹਿਸਾਸ ਕਰਵਾਉਣ ਲਈ   ਟੂਰਨਾਮੈਂਟ ਪ੍ਰਬੰਧਕ ਏਦਾਂ ਦੇ  ਉਪਰਾਲੇ ਕਰਨ, ਟੂਰਨਾਮੈਂਟ ਭਾਵੇਂ ਪਿੰਡ ਦੇ ਪੱਧਰ ਦਾ ਹੋਵੇ,

ਜ਼ਿੰਦਗੀ ਦੇ ਕਿਸੇ ਵੀ ਖੇਤਰ ਵਿੱਚ ਬੁਲੰਦੀਆਂ ਛੂਹਣ ਵਾਲੇ ਪ੍ਰਸਿੱਧ ਵਿਅਕਤੀਆਂ ਦੀ ਜ਼ਿੰਦਗੀ ਤੇ ਸੰਘਰਸ਼ ਬਾਰੇ ਜਾਣਨ ਦੀ ਇੱਛਾ ਹਰੇਕ ਦੀ ਹੁੰਦੀ ਹੈ। ਖਿਡਾਰੀ ਆਪਣੀ ਖੇਡ ਕਾਰਨ ਲੋਕਾਂ ਵਿੱਚ ਹਰਮਨ ਪਿਆਰੇ ਹੁੰਦੇ ਹਨ। ਉਨ੍ਹਾਂ ਦੇ ਬਣਾਏ ਰਿਕਾਰਡ ਹੀ ਜ਼ਿੰਦਗੀ ਦਾ ਸਰਮਾਇਆ ਬਣਦੇ ਹਨ। ਫਲਾਇੰਗ ਸਿੱਖ ਮਿਲਖਾ ਸਿੰਘ ਨੂੰ ਹਰ ਖੇਡ ਪ੍ਰੇਮੀ ਜਾਣਦਾ ਹੈ।  ਜਨਵਰੀ 1953 ਵਿੱਚ ਭਾਰਤੀ ਫ਼ੌਜ ਵਿੱਚ 6 ਮੀਲ ਦੀ ਪਹਿਲੀ ਦੌੜ ਨਾਲ ਆਪਣੇ ਖੇਡ ਜੀਵਨ ਦਾ ਆਗਾਜ਼ ਕਰਨ ਵਾਲੇ ਇਸ ਪ੍ਰਸਿੱਧ ਦੌੜਾਕ ਦੀ ਸਵੈ-ਜੀਵਨੀ ਸਮਰਪਣ ਧਿਆਨ ਖਿੱਚਦਾ ਹੈ, ''ਦੇਸ਼ ਦੇ ਉਨ੍ਹਾਂ ਖਿਡਾਰੀਆਂ ਦੇ ਨਾਂ ਜੋ ਰੱਜਵੀਂ ਰੋਟੀ ਦੀ ਅਣਹੋਂਦ ਵਿੱਚ ਵੀ ਆਪਣੇ ਦੇਸ਼ ਦਾ ਨਾਂ ਉੱਚਾ ਕਰਨ ਲਈ ਖੇਡ ਦੇ ਮੈਦਾਨ ਵਿੱਚ ਸਿਰਤੋੜ ਯਤਨ ਕਰਦੇ ਹਨ।'' ਇਹ ਇੱਕ ਖਿਡਾਰੀ ਦੀ ਸੱਚੀ ਭਾਵਨਾ ਨੂੰ ਦਰਸਾਉਂਦਾ ਹੈ। ਖੇਡ ਜੀਵਨ ਦੀਆਂ ਆਪਣੀਆਂ ਮੁਸ਼ਕਲਾਂ ਹਨ ਜਿਨ੍ਹਾਂ ਵਿੱਚੋਂ ਇੱਕ 'ਤੇ ਧਰੀ ਗਈ ਉਂਗਲ ਇਹ ਵੀ ਹੈ। 'ਸਾਡੇ ਦੇਸ਼ ਦੇ ਖਿਡਾਰੀਆਂ ਵਿੱਚ ਖਹਿਬਾਜ਼ੀ ਤੇ ਈਰਖਾ ਬਹੁਤ ਹੁੰਦੀ ਹੈ, ਉਹ ਚਾਹੁੰਦੇ ਹਨ ਕਿ ਕੋਈ ਖਿਡਾਰੀ ਉਨ੍ਹਾਂ ਤੋਂ ਚੰਗਾ ਨਾ ਕਰਕੇ ਦਿਖਾਏ। ਸ਼ਾਇਦ ਇਹ ਔਗੁਣ ਉਨ੍ਹਾਂ ਆਪਣੇ ਦੇਸ਼ ਦੇ ਸਿਆਸਤਦਾਨਾਂ ਤੋਂ ਪ੍ਰਾਪਤ ਕੀਤਾ ਹੈ'। ਭਾਰਤੀ ਖੇਡ ਖੇਤਰ ਵਿੱਚ ਇਹ ਬੁਰਾਈ ਅੱਜ ਵੀ ਬ-ਦਸਤੂਰ ਕਾਇਮ ਹੈ ਤੇ ਖੇਡਾਂ 'ਚ ਪਛੜੇ ਰਹਿਣ ਦਾ ਇੱਕ

ਵੈਸਟ ਇੰਡੀਜ਼ ਦੇ ਧਮਾਕੇਦਾਰ ਬੱਲੇਬਾਜ਼ ਕ੍ਰਿਸ ਗੇਲ ਨੇ ਉਂਜ ਤਾਂ ਬਹੁਤ ਰਿਕਾਰਡ ਬਣਾਏ ਹਨ ਪਰ ਪਿਛਲੇ ਦਿਨੀਂ ਆਈ.ਪੀ.ਐੱਲ ਵਿੱਚ ਬੰਗਲੌਰ ਦੀ ਟੀਮ ਵੱਲੋਂ ਖੇਡਦਿਆਂ ਉਸ ਨੇ ਇੱਕ ਪਾਰੀ ਵਿੱਚ ਹੀ ਕਈ ਰਿਕਾਰਡ ਇੱਕੋ ਵੇਲੇ ਬਣਾਉਣ ਦਾ ਰਿਕਾਰਡ ਬਣਾ ਦਿੱਤਾ। ਇਸ ਧਾਕੜ ਬੱਲੇਬਾਜ਼ ਨੇ 66 ਗੇਂਦਾਂ 'ਤੇ ਆਪਣੀ ਅਜੇਤੂ 175 ਦੌੜਾਂ ਦੀ ਤੂਫ਼ਾਨੀ ਪਾਰੀ ਦੌਰਾਨ ਕਈ ਨਵੇਂ ਰਿਕਾਰਡ ਬਣਾਏ, ਜਿਸ ਵਿੱਚ ਟੀ-20 ਦੀ ਇੱਕ ਪਾਰੀ ਵਿੱਚ ਸਰਵਉੱਚ ਸਕੋਰ, ਸਭ ਤੋਂ ਤੇਜ਼ ਸੈਂਕੜਾ ਅਤੇ ਸਭ ਤੋਂ ਜ਼ਿਆਦਾ ਛੱਕੇ ਲਾਉਣ ਦਾ ਰਿਕਾਰਡ ਸ਼ਾਮਲ ਹੈ। ਇਸ ਤੋਂ ਇਲਾਵਾ ਗੇਲ ਨੇ ਟੀ-20 ਵਿੱਚ ਸਭ ਤੋਂ ਵੱਧ ਦੌੜਾਂ ਬਣਾਉਣ ਦੇ ਕੀਵੀ ਬੱਲੇਬਾਜ਼ ਬ੍ਰੈਂਡਨ ਮੈਕੂਲਮ ਦੇ ਰਿਕਾਰਡ ਨੂੰ ਤੋੜਿਆ। ਮੈਕੂਲਮ ਨੇ ਆਈ. ਪੀ. ਐੱਲ-2008 ਦੇ ਉਦਘਾਟਨੀ ਮੈਚ ਵਿੱਚ ਕੋਲਕਾਤਾ ਨਾਈਟ ਰਾਈਡਰਜ਼ ਵੱਲੋਂ ਇਸੇ ਰਾਇਲ ਚੈਲੰਜਰਜ਼ ਬੰਗਲੌਰ ਟੀਮ ਦੇ ਖ਼ਿਲਾਫ਼ ਇਸੇ ਮੈਦਾਨ 'ਤੇ ਅਜੇਤੂ 158 ਦੌੜਾਂ ਬਣਾਈਆਂ ਸਨ। ਇਸੇ ਤਰ੍ਹਾਂ ਗੇਲ ਨੇ ਸਿਰਫ਼ 30 ਗੇਂਦਾਂ ਵਿੱਚ ਹੀ ਸੈਂਕੜਾ ਪੂਰਾ ਕਰਕੇ

ਨਵੀਂ ਦਿੱਲੀ-ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (ਬੀਸੀਸੀਆਈ) ਨੇ ਤੇਜ਼ ਗੇਂਦਬਾਜ਼ ਐਸ. ਸ੍ਰੀਸੰਤ ਨੂੰ ਸੋਸ਼ਲ ਨੈੱਟਵਰਕਿੰਗ ਸਾਈਟ ਰਾਹੀਂ 2008 ਦੇ ਥੱਪੜ ਕਾਂਡ ਨੂੰ ਮੁੜ ਤੋਂ ਚਰਚਾ ਵਿਚ ਲਿਆਉਣ ਬਦਲੇ ਚੇਤਾਵਨੀ ਦਿੱਤੀ ਹੈ। ਆਈਪੀਐਲ ਸੂਤਰਾਂ ਮੁਤਾਬਕ ਰਾਜਸਥਾਨ ਰਾਇਲਜ਼ ਦੇ ਇਸ ਗੇਂਦਬਾਜ਼ ਨੂੰ ਕਿਹਾ ਗਿਆ ਹੈ ਕਿ ਜੇ ਉਹ ਇਹ ਕਾਰਵਾਈ ਦੁਹਰਾਉਂਦਾ ਹੈ ਤਾਂ ਉਸ ਨੂੰ ਨੋਟਿਸ ਜਾਰੀ ਕੀਤਾ ਜਾਵੇਗਾ।
ਸ੍ਰੀਸੰਤ ਨੇ ਆਪਣੀ ਟਵੀਟ ਵਿਚ ਕਿਹਾ ਸੀ ਕਿ ਹਰਭਜਨ ਸਿੰਘ ਪਿੱਠ ਵਿਚ ਛੁਰਾ ਮਾਰਨ ਵਾਲਾ ਇਨਸਾਨ ਹੈ। ਉਸ ਨੇ ਕਿਹਾ ਸੀ ਕਿ ਸਪਿੰਨਰ ਹਰਭਜਨ ਨੇ ਉਸ ਨੂੰ ਥੱਪੜ ਨਹੀਂ ਮਾਰਿਆ ਸੀ ਜਿਵੇਂ ਮੀਡੀਆ ਰਿਪੋਰਟਾਂ ਵਿਚ ਕਿਹਾ ਗਿਆ ਸੀ, ਸਗੋਂ ਕੂਹਣੀ ਮਾਰੀ ਸੀ। ਉਸ ਨੇ ਇਹ ਟਵੀਟ ਬੀਤੇ ਸ਼ੁੱਕਰਵਾਰ ਨੂੰ ਕੀਤਾ ਸੀ। ਬੋਰਡ ਨੇ ਆਈਪੀਐਲ ਦੇ ਇਕ ਮੈਚ ਦੌਰਾਨ