Punjabi News Paper Ajit (Newspaper)

Golden Temple Amritsar, India

Most Popular Article

ਮੁੱਖ ਪੰਨਾ

ਪਾਕਿਸਤਾਨੀਆਂ ਦਾ ਪਿਆਰ ਦੇਖ ਕੇ ਹੈਰਾਨ ਹਾਂ : ਮੀਰਾ ਕੁਮਾਰ

Sunday, 26 February 2012

ਲਾਹੌਰ, 26 ਫਰਵਰੀ - ਲੋਕ ਸਭਾ ਸਪੀਕਰ ਮੀਰਾ ਕੁਮਾਰ ਨੇ ਲਾਹੌਰ ਨੂੰ ਧਰਤੀ ਦੇ ਸਵਰਗ ਦਾ ਰੁਤਬਾ ਦਿੰਦਿਆਂ ਕਿਹਾ ਕਿ ਉਹ ਪਾਕਿਸਤਾਨੀ ਲੋਕਾਂ ਦਾ ਭਾਰਤੀਆਂ ਲਈ ਪਿਆਰ ਦੇਖ ਕੇ ਹੈਰਾਨ ਹਨ। ਅੱਜ ਦੁਪਹਿਰ ਭਾਰਤ ਰਵਾਨਾ ਹੋਣ ਤੋਂ ਪਹਿਲਾਂ ਮੀਡੀਆ ਨਾਲ ਗੱਲਬਾਤ ਕਰਦਿਆਂ ਉਨ੍ਹਾਂ ਕਿਹਾ ਕਿ ਇੱਥੋਂ ਉਨ੍ਹਾਂ ਨੂੰ ਬਹੁਤ ਸਨੇਹ ਮਿਲਿਆ ਅਤੇ ਪਾਕਿਸਤਾਨੀਆਂ ਤੋਂ ਮਿਲੇ ਪਿਆਰ ਨੂੰ ਉਹ ਕਦੇ ਭੁਲਾ ਨਹੀਂ ਸਕਣਗੇ। ਉਨ੍ਹਾਂ ਨੂੰ ਇਸ ਤਰ੍ਹਾਂ ਮਹਿਸੂਸ ਹੋਇਆ ਜਿਵੇਂ ਉਨ੍ਹਾਂ ਦਾ ਪੰਜ ਦਿਨਾਂ ਪਾਕਿਸਤਾਨ ਦੌਰਾ ਬਹੁਤ ਛੇਤੀ ਖ਼ਤਮ ਹੋ ਗਿਆ। ਇਸ ਮੌਕੇ ਉਨ੍ਹਾਂ ਪਾਕਿਸਤਾਨ ਨੂੰ ਤਰੱਕੀ ਲਈ ਸ਼ੁੱਭ ਕਾਮਨਾਵਾਂ ਭੇਟ ਕਰਦਿਆਂ ਲਾਹੌਰ ਵਾਸੀਆਂ ਵੱਲੋਂ ਮਿਲੇ ਸਨੇਹ ਲਈ ਉਨ੍ਹਾਂ ਦਾ ਧੰਨਵਾਦ ਕੀਤਾ। ਭਾਰਤ ਵੱਲੋਂ ਕਿਸੇ ਲੋਕ ਸਭਾ ਸਪੀਕਰ

ਦਾ ਇਹ ਪਹਿਲਾ ਪਾਕਿਸਤਾਨ ਦੌਰਾ ਸੀ। ਇਸ ਮੌਕੇ ਪੰਜਾਬ ਦੇ ਮੁੱਖ ਮੰਤਰੀ ਸ਼ਾਹਬਾਜ਼ ਸ਼ਰੀਫ ਨੇ ਸ੍ਰੀਮਤੀ ਕੁਮਾਰ ਅਤੇ ਉਨ੍ਹਾਂ ਨਾਲ ਆਏ ਸੰਸਦੀ ਡੈਲੀਗੇਸ਼ਨ ਦੇ ਸਨਮਾਨ ਵਿੱਚ ਦੁਪਹਿਰ ਦੇ ਖਾਣੇ ਦਾ ਪ੍ਰਬੰਧ ਕੀਤਾ। ਲਾਹੌਰ ਦੇ ਦੋ ਦਿਨਾ ਦੌਰੇ ਦੌਰਾਨ ਸ੍ਰੀਮਤੀ ਮੀਰਾ ਨੇ ਸ਼ਹਿਰ ਦੇ ਬਾਨੀ ਸੰਤ ਹਜ਼ਰਤ ਅਲੀ ਹਜਵੇਰੀ ਨੂੰ ਸ਼ਰਧਾਂਜਲੀ ਭੇਟ ਕਰਨ ਲਈ ਇਤਿਹਾਸਕ ਦਾਤਾ ਦਰਬਾਰ ਗੁਫ਼ਾ ਦੀ ਯਾਤਰਾ ਕੀਤੀ। ਉਹ ਮੀਨਾਰ-ਏ-ਪਾਕਿਸਤਾਨ, ਮਹਾਰਾਜਾ ਰਣਜੀਤ ਸਿੰਘ ਦੀ ਸਮਾਧੀ ਅਤੇ ਗੁਰਦੁਆਰਾ ਡੇਰਾ ਸਾਹਿਬ ਵੀ ਗਏ। ਇਸ ਦੌਰਾਨ ਉਨ੍ਹਾਂ ਪੰਜਾਬ ਦੇ ਰਾਜਪਾਲ ਲਤੀਫ ਖੋਸਾ, ਪੰਜਾਬ ਵਿਧਾਨ ਸਭਾ ਦੇ ਸਪੀਕਰ ਰਾਣਾ ਮਹਿਮੂਦ ਇਕਬਾਲ ਸਮੇਤ ਹੋਰ ਕਈ ਆਗੂਆਂ ਨਾਲ ਮੁਲਾਕਾਤ ਕੀਤੀ।

ਵਿਚਾਰ (1)