ਬਾਵਾ ਬੋਲਦਾ ਹੈ

ਉੱਘੀ ਲੋਕ ਗਾਇਕਾ ਸ਼ਮਸ਼ਾਦ ਬੇਗ਼ਮ ਦੀ ਪਿਛਲੇ ਦਿਨੀਂ ਹੋਈ ਮੌਤ ਨੂੰ ਲੈ ਕੇ ਪੂਰਾ ਇੱਕ ਹਫ਼ਤਾ ਵਾਦ-ਵਿਵਾਦ ਛਿੜਿਆ ਰਿਹਾ ਹੈ। ਇਸ ਮੁੱਦੇ ਨੂੰ ਫ਼ੇਸਬੁੱਕ ਉੱਤੇ ਵੀ ਵਾਧੂ ਉਛਾਲਿਆ ਗਿਆ। ਵਿਦੇਸ਼ੀ ਰੇਡੀਓਜ਼ ਦੇ ਪ੍ਰੋਗਰਾਮਾਂ ਵਿੱਚ ਵੀ ਤੇ ਭਾਰਤ ਦੀਆਂ ਕੁਝ ਅਖ਼ਬਾਰਾਂ ਵਿੱਚ ਵੀ ਕਾਫ਼ੀ ਕੁਝ ਛੱਪਿਆ ਹੈ। ਇਸ ਮੁੱਦੇ ਵਿੱਚ ਸਾਰੇ ਦਾ ਸਾਰਾ ਮੁਜਰਿਮ ਇਕੱਲਾ ਮੈਨੂੰ ਹੀ ਬਣਾ ਧਰਿਆ ਹੈ। ਮੈਨੂੰ ਅਖ਼ਬਾਰਾਂ ਵਿੱਚ ਵੀ ਸਪੱਸ਼ਟ ਕਰਨਾ ਪਿਆ ਕਿ ਇਹ ਗ਼ਲਤੀ ਮੇਰੀ 'ਕੱਲੇ ਦੀ ਹੀ ਨਹੀਂ ਹੈ ਤੇ ਨਾਲ ਦੀ ਨਾਲ ਮੈਂ ਇਹ ਵੀ ਆਖ ਕੇ ਮਾਫ਼ੀ ਮੰਗੀ ਕਿ ਜੇਕਰ ਗ਼ਲਤੀ ਹੋਈ ਹੈ ਤਾਂ ਮੈਂ ਇਸ ਦੀ ਮਾਫ਼ੀ ਮੰਗ ਰਿਹਾ ਹਾਂ ਅਤੇ ਭੁੱਲ ਦੀ ਸੋਧ ਕਰਨ ਦਾ ਵਚਨ ਦਿੰਦਾ ਹਾਂ। ਮੈਂ ਇਹ ਵੀ ਆਖਿਆ ਸੀ ਕਿ ਮੈਂ ਮਾਮੂਲੀ ਜਿਹਾ ਇਨਸਾਨ ਹਾਂ, ਰੱਬ ਨਹੀਂ ਹਾਂ, ਸੋ ਇਨਸਾਨ ਗ਼ਲਤੀਆਂ ਦਾ ਪੁਤਲਾ ਹੈ। ਮੇਰੇ ਤੋਂ ਵੱਡੇ-ਵੱਡੇ ਲੋਕਾਂ ਤੋਂ ਵੀ ਗ਼ਲਤੀਆਂ ਹੋਈਆਂ ਨੇ। ਮੇਰੇ ਚਾਹੁਣ ਵਾਲੇ ਪਾਠਕਾਂ-ਪ੍ਰਸ਼ੰਸਕਾਂ ਨੇ ਆਖਿਆ ਕਿ ਮਾਮੂਲੀ ਜਿਹੀ ਗੱਲ ਨੂੰ ਫ਼ਾਲਤੂ ਦੀ ਤੂਲ ਦਿੱਤੀ ਗਈ ਹੈ। ਗ਼ਲਤੀ ਵੀ ਉਹੀ ਕਰੇਗਾ ਜੋ ਕੰਮ ਕਰੇਗਾ। ਜਿਹਨੇ ਕੋਈ ਕੰਮ ਕਰਨਾ ਹੀ ਨਹੀਂ ਕਰਨਾ , ਉਹ ਗ਼ਲਤੀ ਕਿਥੋਂ ਕਰੇਗਾ? ਸਗੋਂ ਵਿਹਲੜ ਤਾਂ ਲੋਕਾਂ ਦੀਆਂ ਗ਼ਲਤੀਆਂ