ਸ਼੍ਰੀਨਗਰ— ਉਤਰ ਕਸ਼ਮੀਰ ‘ਚ ਬਾਰਾਮੁਲਾ ਜ਼ਿਲੇ ਦੇ ਉੜੀ ਸੈਕਟਰ ‘ਚ ਐਤਵਾਰ ਨੂੰ ਸੁਰੱਖਿਆ ਫੌਜਾਂ ਨੇ ਅੱਤਵਾਦੀ ਹਮਲੇ ਨੂੰ ਅਸਫਲ ਕਰ ਦਿੱਤਾ। ਸੁਰੱਖਿਆ ਫੌਜਾਂ ਨੂੰ ਸਰਚ ਆਪਰੇਸ਼ਨ ਦੌਰਾਨ ਇਕ ਹੋਰ ਅੱਤਵਾਦੀ ਦੀ ਲਾਸ਼ ਮਿਲੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਅੱਤਵਾਦੀ ਜੈਸ਼-ਏ-ਮੁਹਮੰਦ ਦੀ ਲਾਸ਼ ਹੋ ਸਕਦੀ ਹੈ। ਇਸ ਤੋਂ ਪਹਿਲੇ ਐਤਵਾਰ ਨੂੰ ਵੀ ਸੁਰੱਖਿਆ ਫੌਜਾਂ ਨੇ ਤਿੰਨ ਅੱਤਵਾਦੀਆਂ ਨੂੰ ਢੇਰ ਕੀਤਾ ਸੀ।
ਕਿਹਾ ਜਾ ਰਿਹਾ ਸੀ ਕਿ ਅੱਤਵਾਦੀ ਪਿਛਲੀ ਵਾਰ ਦੀ ਤਰ੍ਹਾਂ ਆਰਮੀ ਕੈਂਪ ‘ਤੇ ਹਮਲੇ ਨੂੰ ਦੋਹਰਾਨਾ ਚਾਹੁੰਦੇ ਸੀ ਪਰ ਇਸ ਹਮਲੇ ਨੂੰ ਜਵਾਨਾਂ ਨੇ ਨਾਕਾਮ ਕਰਕੇ ਅੱਤਵਾਦੀਆਂ ਦੇ ਮਕਸਦਾਂ ‘ਤੇ ਪਾਣੀ ਫੇਰ ਦਿੱਤਾ।
ਸ਼ਨੀਵਾਰ ਸ਼ਾਮ ਇੱਥੇ ਹਥਿਆਰਬੰਦ ਅੱਤਵਾਦੀ ਦੇਖੇ ਗਏ ਸਨ, ਇਸ ਸੂਚਨਾ ਦੇ ਬਾਅਦ ਸੁਰੱਖਿਆ ਫੌਜ ਇਨ੍ਹਾਂ ਅੱਤਵਾਦੀਆਂ ਨੂੰ ਫੜਨ ਗਏ ਤਾਂ ਕਲਘਾਈ ‘ਚ ਛੁੱਪੇ ਹੋਣ ਦੀ ਸੂਚਨਾ ਦੇ ਬਾਅਦ ਸੈਨਾ ਨੇ ਇੱਥੇ ਸਰਚ ਆਪਰੇਸ਼ਨ ਚਲਾ ਰਹੀ ਸੀ। ਇਸ ਦੌਰਾਨ ਅੱਤਵਾਦੀਆਂ ਨੇ ਉਨ੍ਹਾਂ ‘ਤੇ ਫਾਇਰਿੰਗ ਕਰ ਦਿੱਤੀ। ਪਿਛਲੇ ਸਾਲ ਇਸੀ ਇਲਾਕੇ ‘ਚ ਅੱਤਵਾਦੀਆਂ ਨੇ ਆਤਮਘਾਤੀ ਹਮਲਾ ਕੀਤਾ ਸੀ। ਅਜਿਹਾ ਮੰਨਿਆ ਜਾ ਰਿਹਾ ਹੈ ਕਿ ਇਹ ਅੱਤਵਾਦੀ ਇੱਥੇ ਕਿਸੇ ਸੈਨਾ ਠਿਕਾਣੇ ‘ਤੇ ਹਮਲੇ ਦੀ ਫਿਰਾਕ ‘ਚ ਸਨ। ਸੈਨਾ ਨੇ ਪੂਰੇ ਇਲਾਕੇ ‘ਚ ਚੌਕਸੀ ਵਧਾ ਦਿੱਤੀ ਹੈ।