ਰੋਹਤਕ — ਜਾਟ ਭਵਨ ਦੇ ਨਜ਼ਦੀਕ ਸੜਕ ਪਾਰ ਕਰ ਰਿਹਾ ਇਕ ਬੱਚਾ ਖੇਤੀਬਾੜੀ ਮੰਤਰੀ ਓਮਪ੍ਰਕਾਸ਼ ਧਨਖੜ ਦੀ ਗੱਡੀ ਨਾਲ ਟਕਰਾ ਕੇ ਜ਼ਖਮੀ ਹੋ ਗਿਆ। ਉਸੇ ਮੰਤਰੀ ਦੇ ਕਰਮਚਾਰੀਆਂ ਨੇ ਬੱਚੇ ਨੂੰ ਪੀ. ਜੀ. ਆਈ. ‘ਚ ਭਰਤੀ ਕਰਵਾਇਆ। ਬੱਚੇ ਦੀ ਹਾਲਤ ਜਾਣਨ ਲਈ ਖੇਤੀਬਾੜੀ ਮੰਤਰੀ ਵੀ ਪੀ. ਜੀ. ਆਈ. ਪਹੁੰਚੇ। ਜਿੱਥੇ ਡਾਕਟਰਾਂ ਨੇ ਬੱਚੇ ਦੀ ਹਾਲਤ ਖਤਰੇ ਤੋਂ ਬਾਹਰ ਦੱਸੀ। ਬੱਚੇ ਨੂੰ ਇਲਾਜ ਤੋਂ ਬਾਅਦ ਆਂ ਦੀ ਦਵਾਈ ਨੂੰ ਲੈ ਕੇ ਪੰਜ ਹਜ਼ਾਰ ਰੁਪਏ ਪਰਿਵਾਰ ਨੂੰ ਦਿੱਤੇ।
ਜਾਣਕਾਰੀ ਅਨੁਸਾਰ ਰਾਮ ਬਹਾਦੁਰ ਆਪਣੇ ਬੇਟੇ ਵਿਪੀਨ (4) ਅਤੇ ਹੋਰ ਮੈਂਬਰਾਂ ਨਾਲ ਜਾਟ ਭਵਨ ਤੋਂ ਦੇਵੀਲਾਲ ਪਾਰਕ ਵੱਲ ਜਾ ਰਿਹਾ ਸੀ। ਇਸ ਵਿਚਕਾਰ ਵਿਪੀਨ ਦੀ ਮਾਂ ਅਤੇ ਭੈਣ ਨੇ ਸੜਕ ਪਾਰ ਕਰ ਲਈ ਪਰ ਵਿਪੀਨ ਪਿੱਛੇ ਰਹਿ ਗਿਆ। ਜਲਦਬਾਜੀ ‘ਚ ਉਹ ਵੀ ਸੜਕ ਪਾਰ ਕਰਨ ਲੱਗਾ ਕਿ ਸੈਕਟਰ ਵੱਲੋਂ ਆ ਰਹੇ ਖੇਤੀਬਾੜੀ ਮੰਤਰੀ ਦੀ ਗੱਡੀ ਨਾਲ ਟਕਰਾ ਗਿਆ। ਸੁਰੱਖਿਆ ਕਰਮਚਾਰੀ ਜ਼ਖਮੀ ਬੱਚੇ ਵਿਪੀਨ ਨੂੰ ਪੀ. ਜੀ. ਆਈ ਲੈ ਕੇ ਪਹੁੰਚੇ, ਇੱਥੇ ਡਾਕਟਰਾਂ ਨੇ ਉਸ ਦਾ ਤੁਰੰਤ ਇਲਾਜ ਸ਼ੁਰੂ ਕਰ ਦਿੱਤਾ। ਸਿਰ ‘ਤੇ ਸੱਟ ਲੱਗਣ ਕਰਕੇ ਐਕਸ-ਰੇ ਅਤੇ ਐੈੱਮ. ਆਰ. ਆਈ. ਕਾਰਵਾਈ ਗਈ। ਧਨਖੜ ਨੇ ਪੀ. ਜੀ. ਆਈ. ਪਹੁੰਚ ਕੇ ਡਾਕਟਰਾਂ ਨੂੰ ਸਾਰੇ ਟੈਸਟ ਬਿਹਤਰ ਇਲਾਜ ਕਰਨ ਦੇ ਹੁਕਮ ਦਿੱਤੇ।
ਜਾਟ ਭਵਨ ਦੇ ਕੈਂਟੀਨ ਸੰਚਾਲਕ ਵਿਸ਼ਵਜੀਤ ਸਾਂਗਵਾਨ ਨੇ ਦੱਸਿਆ ਕਿ ਮੂਲ ਰੂਪ ‘ਚ ਨੇਪਾਲ ਨਿਵਾਸੀ ਰਮੇਸ਼ ਉਸ ਦੀ ਕੈਂਟੀਨ ‘ਚ ਖਾਣਾ ਬਣਦਾ ਹੈ। ਉਹ ਆਪਣੇ ਨਾਲ ਪਤਨੀ ਦੇ ਬੇਟੇ ਨਾਲ ਰਹਿੰਦਾ ਹੈ। ਮੰਤਰੀ ਦੀ ਗੱਡੀ ਨਾਲ ਟੱਕਰ ਲੱਗਣ ਤੋਂ ਬਾਅਦ ਬੱਚੇ ਦੀ ਕੋਹਨੀ, ਗੋਢੇ, ਨੱਕ ‘ਤੇ ਸੱਟਾਂ ਲੱਗੀਆਂ ਪਰ ਹੁਣ ਬੱਚੇ ਦੀ ਸਿਹਤ ‘ਚ ਸੁਧਾਰ ਹੈ।