ਬੌਲੀਵੁੱਡ ਦੀਆਂ ਰੋਮੈਂਟਿਕ ਫ਼ਿਲਮਾਂ ‘ਚੋਂ ਇੱਕ ਕਿਆਮਤ ਸੇ ਕਿਆਮਤ ਤਕ ਨੂੰ 30 ਸਾਲ ਪਹਿਲਾਂ 29 ਅਪ੍ਰੈਲ 1898 ‘ਚ ਰਿਲੀਜ਼ ਕੀਤਾ ਗਿਆ ਸੀ। ਇਸ ਸੁਪਰਹਿੱਟ ਫ਼ਿਲਮ ਦੀ ਸ਼ੁਟਿੰਗ ਦੇ ਵੇਲੇ ਨੂੰ ਯਾਦ ਕਰਦੇ ਹੋਏ ਨਿਰਦੇਸ਼ਕ ਮੰਸੂਰ ਖ਼ਾਨ ਨੇ ਕਈ ਮਜ਼ੇਦਾਰ ਕਿੱਸੇ ਸ਼ੇਅਰ ਕੀਤੇ। ਉਨ੍ਹਾਂ ਨੇ ਦੱਸਿਆ ਕਿ ਫ਼ਿਲਮ ਦੀ ਸ਼ੂਟਿੰਗ ਦੌਰਾਨ ਆਮਿਰ ਖ਼ਾਨ ਅਤੇ ਜੂਹੀ ਚਾਵਲਾ ਵਿਚਕਾਰ ਇੱਕ ਕਿਸਿੰਗ ਸੀਨ ਸ਼ੂਟ ਹੋਣਾ ਸੀ। ਅਸਲ ‘ਚ ਫ਼ਿਲਮ ਦੇ ਗੀਤ ਅਕੇਲੇ ਹੈਂ ਤੋ ਕਿਆ ਗ਼ਮ ਹੈ ਦੀ ਸ਼ੂਟਿੰਗ ਦੌਰਾਨ ਜੂਹੀ ਚਾਵਲਾ ਨੇ ਆਮਿਰ ਨੂੰ ਗਲ੍ਹ ਅਤੇ ਮੱਥੇ ‘ਤੇ ਕਿਸ ਕਰਨੀ ਸੀ, ਪਰ ਜੂਹੀ ਨੇ ਅਜਿਹਾ ਕਰਨ ਤੋਂ ਇਨਕਾਰ ਕਰ ਦਿੱਤਾ। ਜੂਹੀ ਦੇ ਇਨਕਾਰ ਤੋਂ ਬਾਅਦ ਫ਼ਿਲਮ ਦੇ ਨਿਰਦੇਸ਼ਕ ਮੰਸੂਰ ਖ਼ਾਨ ਨੇ ਸ਼ੂਟਿੰਗ ਕਰੀਬ 10 ਮਿੰਟ ਲਈ ਰੋਕ ਦਿੱਤੀ ਸੀ।
ਉਹ ਇੰਨਾ ਪਰੇਸ਼ਾਨ ਹੋ ਗਿਆ ਸੀ ਕਿ ਪੂਰੀ ਯੂਨਿਟ ਨੂੰ ਕਹਿ ਦਿੱਤਾ ਕਿ ਕੋਈ ਕੰਮ ਨਹੀਂ ਹੋਵੇਗਾ, ਸਭ ਕੁੱਝ ਰੋਕ ਦਿਓ। ਸ਼ੂਟਿੰਗ ਰੁਕਣ ਤੋਂ ਬਾਅਦ ਜੂਹੀ ਨੂੰ ਸੀਨ ਬਾਰੇ ਸਮਝਾਇਆ ਗਿਆ। ਆਖਿਰਕਾਰ ਥੋੜ੍ਹੀ ਦੇਰ ਬਾਅਦ ਜੂਹੀ ਨੂੰ ਸਮਝ ਆਇਆ ਕਿ ਇਹ ਸਕ੍ਰਿਪਟ ਦੀ ਡਿਮਾਂਡ ਹੈ ਅਤੇ ਉਸ ਨੇ ਸੀਨ ਲਈ ਹਾਂ ਕਹਿ ਦਿੱਤੀ। ਇਸ ਕਿੱਸੇ ਨੂੰ ਯਾਦ ਕਰਦੇ ਹੋਏ ਮੰਸੂਰ ਖ਼ਾਨ ਨੇ ਫ਼ਿਲਮ ਨਾਲ ਜੁੜਿਆ ਇੱਕ ਹੋਰ ਰਾਜ਼ ਵੀ ਖੋਲ੍ਹਿਆ।
ਉਸ ਨੇ ਦੱਸਿਆ ਕਿ ਫ਼ਿਲਮ ਦੇ ਦੋ ਕਲਾਈਮੈਕਸ ਸ਼ੂਟ ਕੀਤੇ ਗਏ ਸਨ। ਸਾਰੇ ਚਾਹੁੰਦੇ ਸਨ ਕਿ ਹੈਪੀ ਐਂਡਿੰਗ ਹੋਵੇ, ਪਰ ਫ਼ਿਲਮ ਦੀ ਕਹਾਣੀ ਦੀ ਡੂੰਘਾਈ ਨੂੰ ਦੇਖਦੇ ਹੋਏ ਇਸ ਦੇ ਕਲਾਈਮੈਕਸ ਨੂੰ ਬਦਲ ਦਿੱਤਾ ਗਿਆ। ਇਹ ਫ਼ਿਲਮ 1898 ਵਿੱਚ ਰਿਲੀਜ਼ ਹੋਈ ਸੀ। ਫ਼ਿਲਮ ਸੁਪਰਹਿੱਟ ਸਿੱਧ ਹੋਣ ਦੇ ਨਾਲ ਇਸ ਨੇ ਇੰਡਸਟਰੀ ਨੂੰ ਉਸ ਦੇ ਦੋ ਵੱਡੇ ਸਟਾਰ ਆਮਿਰ ਖ਼ਾਨ ਅਤੇ ਜੂਹੀ ਚਾਵਲਾ ਵੀ ਦਿੱਤੇ।