ਨੈਸ਼ਨਲ ਡੈਸਕ—ਕਾਂਗਰਸ ਪ੍ਰਧਾਨ ਰਾਹੁਲ ਗਾਂਧੀ ਹਸਪਤਾਲ ‘ਚ ਭਰਤੀ ਡੀ.ਐੱਮ.ਕੇ. ਮੁਖੀ ਕਰੁਣਾਨਿਧੀ ਨੂੰ ਮਿਲਣ ਅੱਜ ਚੇਨਈ ਜਾਣਗੇ। ਪਿਛਲੇ ਚਾਰ ਦਿਨਾਂ ਤੋਂ ਹਸਪਤਾਲ ‘ਚ ਭਰਤੀ ਤਾਮਿਲਨਾਡੂ ਦੇ ਸਾਬਕਾ ਮੁੱਖਮੰਤਰੀ ਕਰੁਣਾਨਿਧੀ ਦੀ ਹਾਲਤ ਸਥਿਰ ਹੈ। ਕਰੁਣਾਨਿਧੀ ਦੀ ਸਿਹਤ ਦੀ ਜਾਣਕਾਰੀ ਲੈਣ ਲਈ ਹਸਪਤਾਲ ‘ਚ ਨੇਤਾਵਾਂ ਦਾ ਆਉਣਾ-ਜਾਣਾ ਲੱਗਾ ਹੋਇਆ ਹੈ। ਸੋਮਵਾਰ ਨੂੰ ਰਾਜ ਦੇ ਮੁੱਖਮੰਤਰੀ ਦੇ ਕੇ.ਪਲਾਨੀਸਵਾਮੀ ਵੀ ਹਸਪਤਾਲ ਜਾ ਕੇ ਕਰੁਣਾਨਿਧੀ ਨੂੰ ਮਿਲੇ। ਜਿਸ ਤੋਂ ਬਾਅਦ ਉਨ੍ਹਾਂ ਨੇ ਕਿਹਾ ਕਿ ਹੁਣ ਕਰੁਣਾਨਿਧੀ ਦੀ ਤਬੀਅਤ ਵਧੀਆ ਹੈ।
ਬਲੱਡ ਪ੍ਰੈਸ਼ਰ ਦੀ ਪਰੇਸ਼ਾਨੀ ਦੇ ਬਾਅਦ ਕਰੁਣਾਨਿਧੀ ਨੂੰ ਸ਼ੁੱਕਰਵਾਰ ਨੂੰ ਕਾਵੇਰੀ ਹਸਪਤਾਲ ‘ਚ ਭਰਤੀ ਕਰਵਾਇਆ ਗਿਆ ਸੀ। ਜਦੋਂ ਉਨ੍ਹਾਂ ਨੂੰ ਹਸਪਤਾਲ ‘ਚ ਭਰਤੀ ਕਰਵਾਇਆ ਗਿਆ ਸੀ, ਉਸ ਸਮੇਂ ਉਨ੍ਹਾਂ ਦਾ ਬਲੱਡ ਪ੍ਰੈਸ਼ਰ ਬਹੁਤ ਘੱਟ ਸੀ। ਡਾਕਟਰਾਂ ਦੀ ਇਕ ਟੀਮ ਦੇਖਭਾਲ ‘ਚ ਲੱਗੀ ਹੋਈ ਹੈ।