ਲਖਨਊ- ਬਹੁਜਨ ਸਮਾਜ ਪਾਰਟੀ ਦੀ ਪ੍ਰਧਾਨ ਮਾਇਆਵਤੀ ਨੇ ਦੋਸ਼ ਲਗਾਇਆ ਹੈ ਕਿ ਫਾਇਦਾ ਚੁੱਕਣ ਲਈ ਭਾਰਤੀ ਜਨਤਾ ਪਾਰਟੀ ਨੇ ਭੀਮ ਫੌਜ ਬਣਵਾਈ ਹੈ। ਸ੍ਰੀ ਮਾਇਆਵਤੀ ਨੇ ਅੱਜ ਭਾਵ ਐਤਵਾਰ ਨੂੰ ਕਿਹਾ ਹੈ, ”ਦਲਿਤਾਂ ਦਾ ਵੋਟ ਵੰਡ ਕੇ ਭਾਜਪਾ ਨੂੰ ਫਾਇਦਾ ਪਹੁੰਚਾਉਣ ਲਈ ਭਾਜਪਾ ਭੀਮ ਫੌਜ ਦੇ ਚੰਦਰਸ਼ੇਖਰ ਨੂੰ ਵਾਰਾਣਸੀ ਲੋਕ ਸਭਾ ਸੀਟ ਤੋਂ ਚੋਣ ਲੜਾ ਰਹੀ ਹੈ।” ਉਨ੍ਹਾਂ ਨੇ ਕਿਹਾ ਹੈ ਕਿ ਇਹ ਸੰਗਠਨ ਭਾਜਪਾ ਦੀ ਸਾਜ਼ਿਸ਼ ਦੇ ਤਹਿਤ ਬਣਾਇਆ ਗਿਆ ਹੈ ।
ਬਸਪਾ ਪ੍ਰਧਾਨ ਮਾਇਆਵਤੀ ਨੇ ਇਹ ਵੀ ਦੋਸ਼ ਲਗਾਇਆ ਹੈ ਕਿ ਭਾਜਪਾ ਨੇ ਖੁਫੀਆ ਤਰੀਕੇ ਨਾਲ ਪਹਿਲਾਂ ਚੰਦਰਸ਼ੇਖਰ ਨੂੰ ਬਸਪਾ ‘ਚ ਭੇਜਣ ਦੀ ਨਾਕਾਮ ਕੋਸ਼ਿਸ਼ ਕੀਤੀ। ਉਨ੍ਹਾਂ ਨੇ ਕਿਹਾ, ” ਭੀਮ ਫੌਜ ਨੂੰ ਅੱਗੇ ਕਰਕੇ ਸਾਜ਼ਿਸ਼ ਤਹਿਤ ਸਹਾਰਨਪੁਰ ਜ਼ਿਲੇ ‘ਚ ਸ਼ਬਬੀਰ ਕਾਂਡ ਕਰਵਾਇਆ ਗਿਆ। ਇਸ ਦਾ ਖੁਲਾਸਾ ਹੋਣ ‘ਤੇ ਚੰਦਰਸ਼ੇਖਰ ਅਤੇ ਆਪਣੇ ਨਵੀਂ ਸਾਜ਼ਿਸ਼ ਨੂੰ ਬਚਾਉਣ ਲਈ ਭੀਮ ਫੌਜ ਮੁਖੀ ਨੂੰ ਜੇਲ ਭੇਜਿਆ ਗਿਆ ਅਤੇ ਚੋਣ ਨੇੜੇ ਆਉਂਦਿਆ ਹੀ ਭਾਜਪਾ ਨੇ ਉਸ ਨੂੰ ਜ਼ੇਲ ਤੋਂ ਬਾਹਰ ਕਰਵਾ ਲਿਆ।